El vuelcu d'un camión corta l'accesu a El Musel dende l'autopista    

El conductor, únicu pasaxeru del vehículu, pudo salir pol so pie

L'accesu a Xixón dende l'autopista 'Y' pela avenida Príncipe d'Asturies sigue cortáu a esta hora pol vuelcu d'un camión.

Sobro les 10:00, el conductor perdió'l control del camión nuna curva mui zarrada y acabó volcáu sobre'l guardarraíl. Un vertíu de gasoil apúntase como la causa más probable del socesu.

El conductor, únicu pasaxeru del vehículu, pudo salir pol so pie. Nun sufre mancaes importantes.

L'accesu a El Musel y a l'avenida Príncipe d'Asturies tán cortaes polos llabores de llimpieza del firme y les xeres de quitar d’ellí’l camión.